G99-a: Qeveria nuk ka qëllim të luftojë korrupsionin

G99-a reagon pas qëndrimit publik të ministrit të Jashtëm, Lulzim BashaTIRANË- Përfaqësuesi i lëvizjes ”G99”, Etjen Xhafaj, deklaroi dje se, përmes ministrit të Jashtëm, Lulzim Basha, qeveria Berisha tregoi edhe njëherë se e ka të vështirë të bashkëjetojë me institucionet e pavarura. »»

PDS nuk largohet nga LSI

06.09.2008 12:06 Politike - Burimi: Metropol Politike

Partia Demokracia Sociale ka konfirmuar zyrtarisht vazhdimin e bashkëpunimit parlamentar me koalicionin “E majta për integrim” të Ilir Metës. Në fillim të këtij sesioni parlamentar Partia Demokracia Sociale është regjistruar sërish në grupin kuvendor të LSI-së, por sipas burimeve nga kjo parti kjo nuk nënkupton patjetër një marrëveshje paraprake për zgjedhjet e ardhshme parlamentare. Lidhur me këtë këto ditët e fundit një afrim me LSI-në pati lëvizja e përfaqësuar nga Petro Koçi, duke formuar në këtë mënyrë koalicionin “E majta për integrim”. Deputeti i larguar nga Partia Socialiste deklaroi se nuk është pjesë e kësaj partie, por që do të bashkëpunojë me të për zgjedhjet e ardhshme. Ndërkohë që katër deputetë të tjerë të njohur si mbështetës të ish-kryeministrit gjatë qeverisjes socialiste Fatos Nanos, do t’i bashkëngjiten këtij grupimi politik. Kohët e fundit kampi i majtë dhe konkretisht Partia Socialiste ka nisur negociatat me të gjithë forcat e majta përfshirë dhe LSI-në me qëllim bashkimin përpara zgjedhjeve të vitit 2009.

Artikullin origjinal mund ta lexoni ketu

lajme.parajsa.com