Oli Xhilaga

Partia Socialiste rikthen vemendjen te reforma ne drejtesi. Per kete arsye, kupola roze kerkoi dje nga PD te rinise sa me shpejt puna per kryerjen e kesaj reforme. Por, nga qendrimet e ardhura se fundmi nga dy partite kryesore, shprehet qarte gatishmeria e tyre per te nisur sa me shpejt puna mbi kete reforme. Perballe njera-tjetres, PD e PS shpalosin idete e tyre per nisjen e punes per reformen ne drejtesi. Keshtu, nga njera ane socialistet kerkojne nje dialog gjitheperfshires, lidhur me paktin kombetar per drejtesine, ndersa demokratet, duke pranuar hapjen e ketij debati, kerkojne qe ai te nise me ligjin per heqjen e imuniteteve. E pare ne kete kendveshtrim, mosmarreveshjet dhe perplasjet jane prezent qe para nisjes se punes per kryerjen e nje nga reformave kryesore per vendin, e cilesuar si parakusht per anetaresimin e vendit ne BE dhe NATO.

"Duke qene nje reforme integrale e shume komplekse, qe kerkon pune e perfshirje te gjere, ne gjykojme se nuk ka kohe per te humbur, ndaj nxisim nenkomisionin parlamentar per reformen ne drejtesi". Kjo ka qene kerkesa e ardhur dje nga kryetarja e Grupit kuvendor te PS-se, Valentina Leskaj, e cila vleresoi ceshtjen e reformes ne drejtesi si nje nga reformat themelore, per shkak te peshes qe ka ne vendosjen e shtetit ligjor, si nje proces qe kushtezon te sotmen e te nesermen e gjithsecilit. Nderkohe qe duke u ndalur ne kete ceshtje, kryetarja e ligjvenesve socialiste, Leskaj, nenvizoi se "Partia Socialiste, muaj me pare, ka vene ne dispozicion te Parlamentit dhe natyrisht te gjithe aktoreve te tjere te interesuar, dokumentin e Paktit per Reformen ne Drejtesi. E kemi bere kete duke qene te hapur dhe ftues qe ky pakt t'i nenshtrohet nje diskutimi sa me te gjere publik". Ne kete menyre, socialistet ritheksojne dhe njehere tjeter qendrimin e tyre, qe e gjitha puna te perqendrohet mbi kete pakt, edhe pse shprehen te hapur per dialog, i cili te jete gjitheperfshires.

Partia Socialiste shpreh vendosmerine e saj per te finalizuar reformen ne drejtesi, duke pasur gjithmone si udherrefyes paktin kombetar per drejtesine. "Ky eshte nje pakt per qytetarin, eshte nje kontribut dhe nje detyrim per qytetarin, ndaj ne mbetemi te hapur e te angazhuar, si edhe deri tani, per te dhene kontributin tone ne finalizimin e kesaj reforme, qe ne fakt vetem ka nisur me ligjin per pushtetin gjyqesor", vleresoi Leskaj gjate fjales se saj. E si per t'i meshuar me tej pozicionit te mbajtur deri me tani nga PS, mbi kete reforme, Leskaj nuk vonoi te paraqese vizionin e kesaj partie mbi kete ceshtje. "PS e ka vleresuar ceshtjen e reformes ne drejtesi si nje nga reformat themelore per shkak te peshes qe ka ne vendosjen e shtetit ligjor, si nje proces qe kushtezon te sotmen e te nesermen e gjithkujt nga ne. Ky ka qene krijimi dhe motivi i nismes dhe gjithe angazhimit tone konkret per reformen ne drejtesi", u shpreh Leskaj. Po keshtu, po ne kete linje, kryetarja e grupit parlamentar te PS-se shtoi se qellimi kryesor ka qene "krijimi i nje marredhenieje te re mes politikes dhe drejtesise qe synon mbylljen perfundimtare te nje raporti te veshtire mes tyre, te nje raporti te ngritur shpesh mes klientelizmit dhe sherbeses se ndersjelle jashte parimeve dhe vlerave qe sistemi i drejtesise duhet te barte". Madje, si per te bindur te gjitha palet, pjesemarrese ne kete debat, Leskaj shprehu besimin se "vendi sot ka nevoje me shume se kurre per berjen e kesaj reforme edhe per shkak se shteti ligjor, eshte nje parakusht themelor per anetaresimin e vendit ne BE dhe NATO".

PS: Pakti per Drejtesine, udherrefyes strategjik

Kupola roze eshte e bindur se Pakti Kombetar per Drejtesine perben te vetmin udherrefyes strategjik qe duhet te ndjeke Keshilli i Ministrave dhe Kuvendi i Shqiperise per reformen ne drejtesi. Njekohesisht, duke e vleresuar si nje dokument qe perfshin te gjitha objektivat per kryerjen e nje reforme te plote ne drejtesi, socialistet kerkojne qe ne zbatimin e paktit palet te angazhohen te bejne te gjitha perpjekjet per permbushjen e objektivave qe ka percaktuar pakti, duke ndjekur e monitoruar Planin e Veprimit afatshkurter, afatmesem e afatgjate, qe konsiderohen pjese integrale e ketij pakti. Gjithashtu, Pakti Kombetar per Drejtesine do te respektohet ne cdo rrethane politike nga te gjitha forcat politike parlamentare.

Leskaj: Te percaktohet statusi i Prokurorit

Ne propozimet e tyre, socialistet kerkojne percaktimin e qarte te statusit te prokurorit, duke i siguruar autonomine e nevojshme profesionale, dhe shmangur centralizimin gati absolut ne vendimmarrje. Gjithashtu ne kete pakt theksohet dhe ridimensionimi i rolit te Prokurorit dhe Policise Gjyqesore, duke e percaktuar prokurorine ne nje mbikeqyres te hetimit penal dhe perfaqesues i vetem i akuzes ne gjyq, por duke ia deleguar realisht policise gjyqesore kompetencat e hetimit dhe nje pjese te veprimeve procedurale gjate hetimit. Njekohesisht, kerkohet kufizimi kohor i mandatit te Prokurorit te Pergjithshem, me qellim sigurine juridike ne ushtrimin e funksionit, dhe shmangien perfundimtare te debatit politik per kete ceshtje.