Partia Socialiste: Qeveria t’u kërkojë falje fermerëve

G99-a: Qeveria nuk ka qëllim të luftojë korrupsionin

G99-a reagon pas qëndrimit publik të ministrit të Jashtëm, Lulzim BashaTIRANË- Përfaqësuesi i lëvizjes ”G99”, Etjen Xhafaj, deklaroi dje se, përmes ministrit të Jashtëm, Lulzim Basha, qeveria Berisha tregoi edhe njëherë se e ka të vështirë të bashkëjetojë me institucionet e pavarura. »»

Partia Socialiste: Qeveria t’u kërkojë falje fermerëve

19.07.2008 18:30 Politike - Burimi: Metropol Politike

Nënsekretari i Programit në Partinë Socialiste Ervin Bushati i bëri thirrje dje qeverisë që t’u kërkojë falje femerëve dhe qytetarëve për mungesën e produkteve shqiptare në tregje. Ai u shpreh se qeveria nuk garanton dot infrastrukturën minimale për të shpëtuar bujqësinë shqiptare dhe fshatin. “Çdo bujk sot sjell si shqetësim kryesor mungesën totale të rrugëve, energjisë dhe sistemit ujitës në ndihmë të prodhimit të tij, që nuk mbërrin dot deri në treg. Niveli kritik i zhvillimit të infrastrukturës rurale bën të pamundur leverdinë ekonomike të prodhimit në bujqësinë shqiptare”, - tha Bushati. Sipas tij, kjo ndëshkon si prodhuesit në fshat, që nuk arrijnë të shesin me fitim prodhimet që i kanë kultivuar me aq mund, ashtu dhe konsumatorët në qytete, që u duhet të paguajnë gjithmonë e më tepër në tregjet ushqimore nga të ardhurat e tyre. Ai tha se infrastruktura rurale është në nivele mesjetare dhe nuk mund të sjellë asnjë ndihmë për bujkun shqiptar. “Do të ishte e udhës që qeveria të ndalte demagogjinë dhe t’u kërkonte falje fermerëve në mbarë vendin për mosmbajtjen e premtimeve”, - tha Bushati.

Artikullin origjinal mund ta lexoni ketu

lajme.parajsa.com