“Armë shqiptare në Gjeorgji?” Berisha thërret sot në zyrë ambasadorin rus

Janë shitur armë në Gjeorgji apo armë shqiptare janë gjetur në Gjeorgji? Mes akuzës së parë të bërë nga Rusia dhe deklaratës së zbutur të dytë, të bërë nga ambasadori rus në Tiranë, është krijuar një hendek i madh në marrëdhëniet midis Shqipërisë dhe këtij shteti. »»

Presidenti Sarkozi letër Berishës

19.07.2008 18:30 Politike - Burimi: Metropol Politike

Presidenti i Francës Nikolas Sarkozi i ka dërguar një letër Kryeministrit Sali Berisha për ta falënderuar për rolin aktiv në Samitin “Bashkimi për Mesdheun”. “Zoti Kryeministër, pas Samitit të Parisit për Mesdheun dëshiroj t’ju falënderoj personalisht për rolin tuaj aktiv në suksesin që pati ky takim. Ishte shumë e rëndësishme që ky samit t’i jepte një vrull të ri bashkëpunimit përreth Mesdheut. Në e arritëm këtë falë vullnetit politik të përbashkët për të nisur përpjekjet për ta transformuar Mesdheun në një rajon paqeje, demokracie, bashkëpunimi dhe prosperiteti, pavarësisht vështirësive dhe skepticizmave”, - thuhet në letrën e Presidentit Sarkozi. Kreu i shtetit francez thekson se ky rezultat i jashtëzakonshëm sigurisht që nuk shënon një mbyllje, përkundrazi, ai shënon një premtim të ri, që i angazhon të gjithë. “Na takon tani të punojmë mbi këto baza të rinovuara për të realizuar projektet konkrete që u miratuan në Samit. Ju mund të mbështeteni në vendosmërinë e Francës për të mbikëqyrur këto angazhime të reja, në cilësinë e saj si presidente e Këshillit të Bashkimit Evropian dhe në atë të bashkëpresidentes së Procesit të Barcelonës: një Bashkim për Mesdheun”, - thuhet në letrën drejtuar Kryeministrit Berisha.

Artikullin origjinal mund ta lexoni ketu

lajme.parajsa.com