Por nëse kjo është pika e parë e debatit, në  ligj janë parashikuar dhe një sërë lehtësirash të tjera që kanë të bëjnë me uljen e tarifave për mjekimin e minatorëve, por edhe sigurimin e kushteve më të mira të jetesës duke nisur që nga banesat. “Minatorët / punonjësit e profesioneve të vështira, që e ndërpresin punën për shkaqe që nuk varen prej tyre pas hyrjes në fuqi të këtij ligji, deri në plotësimin e kushteve për pension të plotë pleqërie, përfitojnë pension të parakohshëm për vjetërsi pune, kur plotësojnë vjetërsinë e punës nëntokë / profesion të vështirë 10 vjet, pavarësisht nga mosha, në masën e përcaktuar në nenin 21 të këtij ligji”, thuhet në draftin e propozuar nga Lëvizja Socialiste për Integrim.

STATUSI i MINATORIT
 
Në mbështetje të neneve 78 dhe 83 pika 1 të Kushtetutës, me propozimin e Këshillit të Ministrave/ një grup deputetësh
                DISPOZITA E PËRGJITHSHME
                          NENI1
                        QËLLIMI
1. Ky ligj përcakton pozitën juridike, ekonomike, finananciare dhe shoqërore, kërkesat e përgjithshme, të drejtat e përfitimet e minatorëve dhe të punonjësve te profesioneve të tjera të vështira, të përfshira në Kategorinë e I ( Grupin A), për arsye të kushteve të rënda e të veçanta të punës, si dhe garancitë ligjore për zbatimin e tyre.
2. Kur minatorët dhe punonjësit e profesioneve të vështira e ndërpresin punën, t’u garantojnë këtyre si edhe anëtarëv të familjeve të tyre përfitime shtesë (suplementare), mbi ato të përcaktuara në ligjin 4171, dt. 13.09.1996 “ Për Sigurimet Shëndetësore në Republikëne Shqipërisë” dhe në ligjin 7703, dt. 11.05. 1993 “Për Sigurimet Shëndetësore në Republikën e Shqipërisë”.
3. Të kompletojë garancitë ligjore për zbatimin e pikave 1 dhe 2 të këtij neni.
                            NENI 2
PËRKUFIZIME
  Në bazë të të këtij ligji, termae e mëposhtën kanë këto kuptime:
 “ Minator” është shtetas që punon në minierë në nëntokë.
1. “Punonjës i profesioneve të vështira” është shtetasi, që punon në profesione të ndryshme të klasifikuara ashtu si dhe minator në Kategorinë e 1 ( Grupin A).
2. “Minator në Pesion të parakohshëm” është shtetasi, që ka punuar në miniera në nëntokë, që e ndërpret punën për arsye të ndryshme, kur ka poliyësuar vjetërsinëminimale të punës në nëtokëpër fitimin e Statusit të Minatorit.
3. “Punonjës i profesioneve të vështira në pesion të parakohshënm “ është shtetasi, që ka punuar në profesione të ndryshme të klasifikuara ashtu si dhe minatori në Kategorinë 1 (Grupin A), që e ndërpret punën për arsye të ndryshme , kur ka plotësuar vjetërsinë minimale të punës për fitimin e Statusit të Minatorit.
4. “Minator në Pension” është shtetasi që ka punuar në miniera nëntokë dhe del në pension kur ka mbushur moshëne pensionit të pleqërisë.
5. “Punonjës i profesioneve të vështira në pension” është shtetasi që ka punuar në profesione të ndryshme të klasifikuara ashtu si dhe minatori në Kategorinë e I ( Grupin A) dhe del në pesion kur ka mbushur moshën e pensionit të pleqërisë.
                               NENI 3
FITIMI I STATUSIT TË MINATORIT
Shtetasi shqiptar apo i huaj, me banim të përhershëm apo të përkohshëm në Republikën e Shqipëqrisë, nga dita që fillon të punojë në Shqipëri në minierë nëntokë ose në profesione të tjera të vështira sipas nenit 2, pika 1 dhe 2 të këtij ligji, fiton Statusine Miantorit dhe gëzon të drejtat e përfitimet e përcaktuara në këtë ligj dhe në akte të tjera ligjore e nënligjore.
                               NENI 4
HUMBJA E STATUSIT TË MINATORIT
1. Minatori dhe punonjësit e tjerë të profesioneve të vështira e humbin statusin kur vdesin. Në këtë rast familja e minatorit dhe punonjësit të profesioneve të vështira ruan disa nga të drejtat e përcaktuara në këtë ligj.
2. Minatori dhe punonjësi i profesioneve të vështira e humb statusin kur dënohet me vendim të formës së prerë nga gjykata për krime të rënda të kryera me dashje ndaj kolegve gjatë kohës së punës ose brenda ndërmarrjes . Kjo nuk e privon nga ato të drejta që i jep ky status për aq vjetërsi sa ka deri në momentin e shpalljes fajtor.
                             NENI 5
VJETËRSIA NË PUNË
1. I njihet si vjetërsi në punë për efekt pensioni minatorit dhe punonjësit të profesioneve të vështira, koha e kryerjes së shërbimit të detyrushëm ushtarak, kur ky shërbim kryhet realisht dhe jo kur konvertohet në vlerë monetar. Kontributi për sigurimet shoqërore për këtë periudhe përballohen nga buxheti i shtetit.
2. Vjetërsia në punë si minator ose si punonjës i profesioneve të vështira, për efekt të pagës dhe të përfitimit të pensionit të parakohshëm për vjetërsi pune në minierë nëntokë ose në profesione të vështira llogaritet nga data e fillimit të punës në minierë nëntokë ose në profesione të vështira.
3. Koha e kryerjes së kurseve dhe të kualifikimeve për efekt të profesionit pas fillimit të punës në minierë nëntokë ose në profesion të vështirë, llogaritet vjetërsi në punë si minator.
4. Në vjetërsinë e punës përfshihen:
a. Koha e ndërprerjes së punës për shkak të një vendimi të deklaruar si të padrejtë me vendim gjykate.
b. Koha e  plotë e vuajtjes së dënimit ose internimit për motive politike, pas fillimit të punës në minierë nëntokë ose në profesion të vështirë, kur përfitohet sipas ligjit nr. 7514, dt. 30.09.91 “ Për pafajsinë, amnistinë dhe rehabilitimin e ish të dënuarve dhe të përndjekurve politkë” dhe kur kanë jo më pak 3 vite punë në minierë nëntokë ose në profesin të vështirë.
4. Për llogaritjen e vjetërsisë së punës për efekt pensioni, një2 vit pune në minierë nëntokë ose në profesion të vështirë llogaritet 2 vite punë.
                          NENI 6
FINANCIMI
1. Përfitimet nga ky ligj financohen sipas rastit nga Buxheti i Shtetit, kontribuuesit dhe punëdhënsit. Përfiotimet nga ky ligj garantohen nga Buxheti i Shtetit. Llogaritja, caktimi dhe pagimi i përfitimeve, që rrjethin nga ky ligj bëhen nga Instituti i iSigurimeve Shoqërore. Mënyra e llogaritjes dhe e pagimit të përfitimeve përcaktohen me vendime të Këshillit të Ministrave.
2. Minatorët dhe punonjësit e profesioneve të vështira paguajnë  kontribut shtesë mbi atë të përcaktuar në ligjin nr. 7703 ct. 11.05. 1993 “ Për Sigurimet Shoqërore në Republikën e Shqipërisë”, në masën 2% të pagës referuese.
Pjesa që do të paguajë Buxheti i Shtetit është sa diferenca ndërmjet shpenzimeve për zbatimin e këtij ligji, me të ardhurat, që mblidhen nga kontributet që derdhin minatorët dhe punonjësit e profesioneve të vështira. Kontibutet derdhen çdo muaj në fondin e Sigurimit Shoqëror shtesë (suplementar) të minatorëve dhe punonjësve të profesioneve të vështira. Afati i derdhjes është jo më vonë se fundi i muajit pasardhës. Shpenzimet për administrimin e skemës nga Instituti i Sigurimeve Shoqërore përballohen nga Buxheti i Shtetit.
                           NENI 7
MOSTATIMI I PËRFITIMEVE
Përfitimet që rrjedhin nga ky ligj nuk tatohen.
                            KREU II
FUSHA E MBROJTJES
                             NENI 8

LLOJET E PËRFITIMEVE SHTESË(SUPLEMENTARE) DHE KUSHTET E PËRFITIMIT
Minatorëve dhe punonjësve të profesioneve të vështira, si dhe familjeve të tyre u sigurohen përfitime shtesë, mbi ato të përcaktuara në ligjin nr. 7703, dt. 11. 05. 1993 “Për sigurimet Shoqërore në Republikën e Shqipërisë”, për:
a. Paftësi të përkohshme në punë;
b. Parandalim për sëmundje;
c. Pagesë kalimtare, kur ndërpresin punën për shkaqe që nuk varen prej tyre;
d. Pension të parakohshëm për vjetërsi pune;
e. Pension shtesë(suplementar) mbi pensionin e plotë të pleqërisë;
f. Pension shtësë(suplementar) invalidateti ;
g. Pension shtesë invaliditeti për minatorët ose punonjësit e profesioneve të vështira, që për shkak të punës bëhen plotësisht të paaftë për punë;
h. Pension shtesë familjar për minatorët ose punonjësit e profesioneve të vështira, që për shkak të punës humbasin jetën;
i. Pension shtesë familjar;
j. Pension shtesë në rast vdekjeje.
                    NENI 9
KUSHTET PËR PËRFITIM
E drejta e përfitimeve shtesë për minatorin ose punonjësin e profesioneve të vështira, sipas, këtij ligji, varet nga vitet e punës në miniera nëntokë ose në profesione të vështira, nga mosha e pagave referuese me shtesat që ka përfituar.
                   NENI 10
PAGA REFERUESE
1. Paga referuese, për efekt të përfitimeve nga ky ligj, përbëhet nga paga bazë mujore sipas viteve të punës, së bashku me shtesat që përfiton minatori ose punonjësi i profesioneve të vështira në çastin e lindjes së të drëjtës së përfitimit. 
2. Për minatorin ose punonjësin e profesioneve të vështira, që ka ndërprerë punën për shkaqe, që nuk varen prej tij, që është në pension të plotë pleqërie ose me trajtim të veçantë para apo pas datës së shtrirjes së efekteve financiare të këtij ligji dhe që e drejta për të përfituar i lind pas kësaj date, paga referuese për efekt të përfitimeve nga ky ligj përbëhet nga paga bazë së bashku me shtesat, që ka minatori / punonjësi i profesioneve të vështira, në marrëdhënie pune në atë apo këtë kategori pune, në çastin që përfituesit i lind e drejta për të përfituar.
                       KREU III
PËRFITIMET SHTESË, PAGA, SHTESAT MBI PAGË DHE KOMPESIMET
                      NENI 11
PAGAT DHE SHTESAT MBI PAGË
1. Paga e minatorëve / punonjësve të profesioneve të vështira, në kuptim të këtij ligji, caktohet në bazë të pagës bazë për punën nëntokë dhe në profesione të vështira.
2. Paga mujore e minatorëve / punonjësve të profesioneve të vështira përbëhët nga paga bazë dhe shtesat mbi pagë për kushte të veçanta pune. Paga bazë është paga për punën e minatorit e të punonjësit të profesioneve të vështira, sipas viteve të punës nentokë ose në profesion të vështirë. Shtesa mbi pagë për kushte të veçanta pune jepet në një masë fikse.
3. Masa e pagës bazë, e përcaktuar në pikën 1 të këtij neni, kriteret dhe masat e përfitimit të shtesava mbi pagë përcaktohen me vendim të Këshillit të Ministrave.
4. Masa e pagës bazë minimale pa shtesat, në asnjë rast nuk mund të jetë më e vogël sesa 165% e pagës në profesionet e zakonshme ose sipërfaqe për të njëjtën shkallë kualifikimi profesional personal ose si vend pune.
                            NENI 12
KOMPESIMET
Minatorëve  dhe punonjësve të profesioneve të vështira, sipas përcaktimeve në këtë ligj, ju jepet kompesim për ushqim.
Kriteret dhe masa e kompesimit përcaktohen me vendim të Këshillit të Ministrave, me propozim të Minisrisë së punës, të Çështjeve Sociale e Shanseve të Barabarta.
                           NENI 13
TRAJTIMI NË RAST TRAJNIMI OSE KUALIFIKIMI
Minatori ose punonjësi i profesioneve të vështira, për përiudhën e trajnimit dhe kuakifikimit në kurse të ndryshme, përfiton pagën dhe kompesimet përkatëse.
Gjatë periudhës së trajnimit ose kualifikimit, minatori / punonjësi i profesioneve të vështira përfiton të gjitha rritjet në pagë, si gjitgë kolegët e tyre të tjerë në punë.
                          NENI 14
TRAJTIMI ME VESHJE PUNE
1. Minatorit / punonjësit të profesioneve të vështira i jepet falas veshja e punës.
2. Veshja e punës falas, në zbatim të pikës 1 të këtij neni jepet sipas kritereve dhe normave të përcaktuara me vendim të Këshillit të Ministrave.