Presidenti, LSI "ndahet"� nga PD

Prishtinë, 2 gusht
Raporti i fundit i Auditorit Gjeneral të Kosovës për Ministrinë e Punëve të Brendshme është vlerësuar pozitiv nga drejtues të kësaj të fundit, të cilët kanë thënë se rekomandimet e auditorit do të merren parasysh dhe se mangësitë e evidentuara në raport nuk do të përsëriten. Në një konferencë për media, ministri i Punëve të Brendshme, Zenun Pajaziti, e ka vlerësuar si të drejtë dhe pozitiv raportin e Auditorit Gjeneral për ministrinë që ai drejton, duke thënë se pasqyrat financiare të vitit 2008 janë prezantuar drejt dhe se nuk ka vërejtje të auditorit që komprometon Buxhetin e Kosovës.
"Vlerësimin e Auditorit Gjeneral të Kosovës për punën e Ministrisë të Punëve të Brendshme, e vlerësojmë real. Në këtë ministri nuk ka pasur keqpërdorime të mjeteve buxhetore, madje është angazhuar edhe auditori i brendshëm për të monitoruar qarkullimet financiare", ka thënë Pajaziti.
Zyra e Auditorit megjithatë ka gjetur mangësi, të cilat kanë të bëjnë në kuadër të lëmit të prokurorimit, të cilat janë të natyrës serioze dhe duhet të adresohen urgjentisht. Por, ministri Pajaziti ka thënë se në raport nuk bëhet fjalë për ndonjë shkelje të rëndë, apo keqpërdorim të buxhetit, përveç disa mangësive të vogla për të cilat zotohet se nuk do të përsëriten në të ardhmen.
Ministri Pajaziti ka theksuar gjithashtu se janë evidencuar edhe disa raste, të cilat duhet të reflektojnë që kanë të bëjnë me çështjet që kryesisht lidhen me çështjet dhe procedurat e prokurimit.
"Auditori ka evidencuar edhe disa mangësi. Është fjala te çështjet e rekrutimit, të cilat paraqiten sfiduese vazhdimisht te ne. Në ministri kemi shpesh mungesë të kapaciteteve kualitative, që kuadrot kualitative që kërkojnë të punësohen për shkak të specifikave që i kemi në disa prej departamenteve, sidomos të departamenteve të reja të themeluara", ka thënë kreu i MPB-së. Në raportin e auditorit për vitin 2008 për MPB-në, i cili përbëhet nga 26 faqe, theksohet se pasqyrat financiare paraqesin një pamje të drejtë dhe të vërtetë, në të gjitha aspektet materiale, por përkujton faktin se pasuritë fikse nuk janë shpalosur në pasqyra financiare.
Zyra e Auditorit, megjithatë, ka gjetur mangësi, të cilat kanë të bëjnë në kuadër të lëmit të prokurorimit, të cilat janë të natyrës serioze dhe duhet të adresohen urgjentisht. Sipas raportit të auditorit, procedurat e prokurimit lidhur me shpenzimet e përcaktuara me LPP-në dhe rregullat e tjera në fuqi nuk zbatohen në tërësi. Raporti thekson se ka mungesë të kontrollit dhe verifikimit të faturave me dokumentet mbështetëse tek investimet kapitale, nuk është bërë regjistrimi i plotë dhe i saktë i gjithë pasurisë që disponon MPB-ja në pasqyrat financiare. Po ashtu, dështimi në mbylljen e avanseve për udhëtimet zyrtare në periudha të gjata tregon për mungesë të kontrollit të brendshëm, me mundësi të keqpërdorimit të parasë publike.
Parregullsi janë gjetur edhe te certifikimi i pagesave me kode joadekuate ekonomike tregon për një proces joadekuat të autorizimit dhe për kontroll të dobët të brendshme, dhe se auditimi i brendshëm duhet të fokusohet në fushar materiale me rreziqe më të mëdha për keqmenaxhim dhe joefektivitet.
R. Bala