Berisha: Bashkiakët që lejojnë ujërat e zeza në det, i shkarkoj për katër minuta

Kryeparlamentari Jakup Krasniqi ka thënë dje, pas mbledhjes së Kryesisë së Kuvendit, se Kryesia e Kuvendit është në pritje të përgjigjes së Qeverisë së Kosovës, lidhur me kërkesën e bërë gati tri javë më parë për të sjellë një informatë lidhur me zbatimin e kushtetutshmërisë në pjesën veriore të Mitrovicës. Ndonëse në mbledhjen e fundit kryesia nuk e ka pasur një përgjigje të tillë, Krasniqi tha se ka edhe disa ditë afat që kjo përgjigje të arrijë në Kuvend në kohën e përcaktuar me rregulloren e Kuvendit. Ndryshe kryesia mund ta caktojë seancën e debatit edhe pa përgjigjen e Qeverisë. "Afati sipas rregullores së punës së Kuvendit është tri javë dhe pas tri javësh, nëse Qeveria nuk e sjell informacionin e duhur që duhet për debat, Kryesia e Kuvendit mund të vendosë për seancën e debatit"�, tha  kryeparlamentari Krasniqi.
Një kërkesë e tillë nga Kryesia e Kuvendit është adresuar më 19 janar, pas miratimit të kërkesës së LDD-së për të debatuar rreth kësaj teme.
Sa i përket kërkesës publike të kryetarit të Komisionit për punë të brendshme të Kuvendit të Kosovës për dorëheqjen e ministrit të Brendshëm për shkak të zhvillimeve të fundit në polici, kreu i legjislativit tha se nuk është i njoftuar lidhur me një qëndrim të tillë të komisionit, por shtoi se për ta bërë atë duhet ndjekur rruga ligjore. "Ju e dini se për të kërkuar dorëheqjen e akëcilit ministër duhet të kërkohet një informatë apo raport i ministrit apo ministrisë përkatëse, dhe mbi bazën e informacionit apo raportit që e bën ministri në Kuvendin e Kosovës, atëherë mund të kërkohen edhe përgjegjësi të tjera ose  6 deputetë të kërkojnë interpelancë dhe përsëri të zhvillohet një debat"�, tha ai.
Kuvendi i Kosovës do të mblidhet në seancë plenare të rregullt më 11 shkurt, ku do ti shqyrtojë 8 ligje, 5 prej tyre në lexim të parë dhe tri në të dytin, ndërsa një seancë tjetër do të mbahet më 17 shkurt, seancë solemne me rastin e dyvjetorit të shpalljes së pavarësisë së Kosovës. Kryeparlamentari Krasniqi, duke komentuar vendimin e Qeverisë të fundvitit të kaluar, për rritje të pagave në mënyrë retroaktive të ministrave që janë njëkohësisht edhe deputetë, tha se nuk është mirë që nga ekzekutivi i vendit të merren vendime të kundërligjshme, që pastaj të ndikohet në rritjen pakënaqësive të punëtorët e sektorëve të ndryshëm publik.
S. A.