NEW YORK – Autoritetet amerikane akuzojnë konsullin serb në Nju Jork, Slobodan Nenadoviç se ka ndihmuar arratisjen e basketbollistit serb, Miladin Kovaçeviç, i cili kërkohej nga FBI dhe Interpoli për kryerje të veprave penale. Sipas autoriteteve amerikane diplomati serb dyshohet se e ka pajisur me pasaportë speciale diplomatike, basketbollistin serb, i cili është shpallur në kërkim për shkak të rrahjes brutale dhe lënies në gjendje kome të një studenti amerikan me origjinë hebraike. Po kështu mediat e huaja kanë bërë të ditur se autualisht po hetohen dyshimet se konsulli serb të jetë mundur i përfshirë në afera kriminale. Më parë u shkarkua dhe u largua nga Nju Jorku, edhe zëvendëskonsulli serb Igor Millosheviq që kishte faturuar 100.000 dollarë për lirimin e basketbollistit serb Miladin Kovaçeviç.
(a.s/Balkanweb/INA)