BEOGRAD- Në reagimin e Ministrisë së Jashtme serbe thuhet se shënimi i kufirit me Kosovën është një shkelje e rëndë e Marrëveshjes për kufijt shtetëror të arritur në vitin 2001. Gjithashtu theksohet se për Serbinë janë të papranueshme të gjitha marrëveshjet dhe aktivitetet që pala maqedonase i realizon në bashkëpunim me organet jokompetente të Kosovës.

“Pala maqedonase me aktin e fillimit të demarkacionit të kufirit me Serbinë, në pjesën e Kosovës duke bashkëpunuar me organe jokompetente të Prishtinës, tregon se nuk e respekton sovranitetin dhe integritetin territorial të Republikës së Serbisë”, thuhet në reagimin serbe, duke paralajmëruar se ankesat e tyre do ti dërgojnë para organeve përgjegjëse të Kombeve të Bashkuara. (a.r/ina/balkanweb)