BERLIN- Zyrtaret serbë përpiqen të përdorin Kosoven si shkakun për krizën e fundit gjeorgjiane por nuk marrin mbështetje nga vendet europiane. Pikërisht një ditë më parë ministri i Jashtëm serb, Vuk Jeremic u takua në Berlin me homologun gjerman Frank Valter Shtajnmajer. Mësohet se Jeremic i ka thënë Shtajnamerit se Sebria kishte parlajmeruar më parë se do debstabilizoheshin pjesë të tjera të botës në rast se Kosova shpallte pavaresinë dhe tha se Serbia ishte thellësisht e shqetësuar për zhvillimet në Kaukaz. Por ministri i Jashtëm Shtajnmajer tha se Gjermania e ka njohur Kosovën si shtet të pavarur, duke besuar se deklarata e shpalljes së pavarësisë ishte në linjë me të drejtën ndërkombëtare. Shefi i diplomacisë gjermane i bëri të qartë Jeremicit se Berlini nuk e mbështet kërkesën e Serbisë, që Gjykata Ndërkombëtare e Drejtësisë te marrë në shqyrtim legjitimtetin e shpalljes së pavarësisë së Kosovës. Ai shtoi gjithashtu se e ardhmja e Serbisë është në Europë dhe falenderoi Jeremicin që ktheu ambasadorin serb në Gjermani. Serbia tërhoqi fillimisht gjithë ambasadorët nga vendet që njohën Kosovën, por më pas marrëdhëniet me këto vende u normalizuan. Gjithashtu Shtajnmajer shprehu bindjen se bashkëpunimi i fundit i Serbisë me Hagën do ti hapë rrugë hapave të Beogradit drejt BE-së.

(e.k/NEWS24/s.g/BalkanWeb)