BOSNJE- Duket se kërkimet për arrestimin e shumë të kërkuarit për krime lufte Ratko Mlladiç, po intensifikohen. Paqëruajtësit e NATO-s në Bosnjë kanë bastisur shtëpinë e njërit prej personave që dyshohet se ka ndihmuar gjeneralin e shumë kërkuar nga gjykata e Hagës. Trupat e NATO-s kërkuan për disa orë shtëpinë e kolonelit serb në pension, Petar Jesiç, 50 kilometra në lindje të kryeqytetit të Bosnjës, Sarajevë. Mlladiç, ish-komandanti ushtarak i serbëve të Bosnjës gjatë luftës në fillim të viteve '90, kërkohet që prej mbi 10 vjetësh nga Gjykata Ndërkombëtare për Krime Lufte. Mbi të rëndon akuza për krime lufte dhe krime kundër njerëzimit. Ai është anëtari më i lartë i udhëheqjes serbo-boshnjake që është ende i lirë pas arrestimit dy muaj më parë të ish-udhëheqësit serbo-boshnjak, Radovan Karaxhiç.

(a.r/balkanweb)