ATHINË – Greqia shprehet pesimiste për zgjidhjen e kontekstit të emrit. Kryeministri i Greqisë Kostas Karamanlis  tha sot se përderisa Maqedonia nuk do të ndryshojë qëndrimin, ai nuk është aspak optimist për një konsensus të mundshëm.
“Pozicioni ynë është që të gjejmë një për përdorim ndërkombëtar, i cili do ta përmbante përkufizimin gjeografik për vendin tonë fqinj, por qëndrimi dhe mbi të gjitha pozicioni i qeverisë në Shkup nuk më bëjnë optimist, të paktën jo për momentin”, tha ai. Përveç këtyre Karamanlis ka akuzuar se ka një mungesë të theksuar të dëshirës për të gjetur një zgjidhje të pranueshme nga të dyja palët. Ndërkohë nga ana tjetër kryeministri maqedonas, Nikolla Gruevski deklaroi se përderisa nuk ka progres në kontestin për emrin, Maqedonia nuk mund të marrë datën për fillimin e negociatave me BE-në.
“Sipas të gjitha informacioneve që i kemi, kryesore është çështja e emrit me Greqinë. Deri më tani nuk ka një progres serioz në këtë drejtim, dhe përderisa nuk do të ketë, nuk duhet të presim datë për fillimin e negociatave”, tha Gruevski duke u përgjigjur në pyetjen e gazetarëve se çfarë raporti mund të pres Maqedonia nga KE-ja.
(a.s/Balkanweb/INA)