SHKUP - Kryeministri Nikolla Gruevski ka komentuar përçarjet e fundit brenda PDSH-së dhe iniciativën për formimin e subjektit të ri të kryesuar nga Imer Selmani. Kryeministri Gruevski nënvizoi se nuk bëhet fjalë për premtime, apo për bisedime për rikthimin e mundshëm të Imer Selmanit në postin e zëvendëskryeministrit apo në ndonjë post ministror.
“Imer Selmani për një periudhë të gjatë është në politikë dhe ai mund të mirë të sqarojë arsyet për krijimin e partisë së re”, deklaroi Gruevski. Lidhur me ndarjet në PDSH dhe LSDM, kryeministri Nikolla Gruevski tha se këto janë procese të pashmangshme natyrore kur një parti i humbë zgjedhjet.
“Normalisht është që ata të pyeten se përse i kanë humbur zgjedhjet dhe të bëjnë analiza, ashtu siç i bëjmë ne se përse i fituam zgjedhjet, me qëllim që të mos ngelen prapa punët pozitive, por edhe duke i parë gabimet që duhet përmisuar”, ka deklaruar Gruevski.
Reagimi i kryeministri dhe liderit të partisë VMRO-DPMNE pasuan pasi që ditëve të fundit janë shtuar zërat se subjekti i ri politik shqiptar gëzon një mbështetje nga Nikolla Gruevski dhe do të ftohet si pjesë e Qeverisë.
(a.s/Balkanweb/INA)