NJU JORK-Kryekomisioneri Europian Havier Solana shpreson se takimet në Nju Jork dhe takimet e tjera që do të pasojnë, do të mund të ndikojnë në zhvillimin e favorshëm të situatës për vendosjen e misionit e EULEX-it në Kosovë. Deklarata është bërë pas takimit që Solana zhvilloi mbrëmë me presidentin serb Boris Tadic në Nju Jork.

“Misioni Europian ka për qëllim vendosjen e sundimit të ligjit, gjë që, konsideroj, është e rëndësishme për gjithë rajonin” ka thënë Solana për agjencinë e lajmeve serbe “Beta”. Ai ka shtyar se “se, gjatë javëve në vijim, në takimet në Nju Jork , në Kombet e Bashkuara dhe takimet të tjera vijuese, do të jemi në gjendje të vijmë deri të mënyra që kjo situatë të zhvillohet favorshëm”.

I pyetur nëse Serbisë do t’i vihet kusht për ta pranuar pavarësinë e Kosovës, nëse dëshiron të anëtarësohet në BE, agjencia Beta citon se Solana është shprehur se “një kusht i tillë nuk ekziston”. Gjithashtu kryekomisioneri evropian- citon “Beta”- ka theksuar se iu ka bërë me dije zyrtarëve të lartë serbë, se Serbia duhet të sillet “në mënyrë të arsyeshme” kur është në pyetje Kosova.

(s.g/BalkanWeb)