SHKUP - Bashkimi Demokratik për Integrim në Maqedoni ka shpallur zgjedhje interne për zgjedhjen e udhëheqësve të degëve dhe nëndegëve partiake.
Këshilli i përgjithshëm i kësaj partie, javën e kaluar e ka pranuar kërkesën e Kryesisë Qendrore për zgjedhje në degë dhe nëndegë të përgjithshme në strukturat partiake, si fillim i përgatitjeve për kongresin partiak që do të mbahet vitin e ardhshëm. Siç njofton shërbimi informativë i kësaj partie, zgjedhjet nëpër degë dhe nëndegë do të përfundojnë deri më 15 dhjetor. Në BDI thonë se bëhet fjalë për zgjedhje të rregullta, gjatë të cilave do të zgjedhen edhe përbërjet e reja të Kuvendeve të degëve.
(a.s/Balkanweb/INA)