Ndersa zyrtaret e UNMIK-ut kane refuzuar te komentojne nese shtrirja e EULEX-it per kete faze perfshin edhe pjesen veriore te Kosoves dhe Mitrovicen, ne anen tjeter, kryeministri Hashim Thaci tha se ne Mitrovice po behen hapa, sipas tij, te medhenj per integrimin e kesaj pjese dhe shtrirjen e pushtetit legal. Sipas kryeministrit te Kosoves, problemi ne pjesen veriore eshte problem bandash e grupesh kriminele dhe se ai mund te zgjidhet duke vepruar konform zbatimit te ligjit dhe Kushtetutes. "Gjendja qe e kemi ne veri eshte nje gjendje qe e kemi ne tete vjetet e kaluar, por tash e kemi nje qeveri qe nuk pajtohet me ate realitet dhe punon per ta ndryshuar, por jo ne kuptimin e veprimeve te dhunshme, por permes veprimeve te domosdoshme, te ligjshme, mirekuptuese, pajtuese dhe bashkepunuese edhe me komunitetin nderkombetar. Prandaj, edhe i kam ftuar qytetaret e Mitrovices qe assesi te mos i shesin pronat e veta, nderkohe qe qeveria po punon per ndertimin e shtepive te tyre", tha Thaci.