Ministri i financave i Shqipërisë, Ridvan Bode tha se sipas raportit, FMN dhe Banka Botërore e kanë graduar Shqipërinë nga grupi i vendeve të varfra dhe me ekonomi emergjente, në grupin e vendeve me të ardhura mesatare dhe ekonomi në strukturim.

Për ekonominë shqiptare dhe për autoritetet shqiptare, pas këtij momenti, asistenca dhe ndihma e derisotme e këtyre institucioneve nuk do të jetë në të njëjtat nivele, por gjithnjë e më shumë Shqipëria do t'i drejtohet tregut për të plotësuar të gjitha nevojat e saj me burime dhe kapitale financiare.

Nga ana e saj, opozita e ka vlerësuar përmbajtjen e këtij raporti si një vlerësim negativ për qeverinë shqiptare e cila sipas opozitës ka dështuar në të gjithë objektivat e saj.