Schroder: Njohja e pavarësisë së Kosovës, hap i gabuar

Delegacioni i Kosovës në Uashington, takime me Sekretaren Rajs dhe Sekretarin Gejts

Delegacioni i Kosovës i kryesuar nga Presidenti Fatmir Sejdiu dhe Kryeministri Hashim Thaçi vazhdojnë vizitën në Uashington, ku zhvilluan të premten takime me zyrtarë të lartë të administratës së presidentit Bush. »»

Schroder: Njohja e pavarësisë së Kosovës, hap i gabuar

13.05.2008 15:14 Rajoni - Burimi: SOT Rajoni

Njohja e pavarësisë së Kosovës ka qenë hap i gabuar, në kundërshtim me interesat e vendeve evropiane, ka deklaruar ish-kancelari gjerman, Gerhard Schroder. Sipas tij, Kosova ka mundur të fitojë shtetësinë duke hyrë bashkë me Serbinë në BE. Në një intervistë për mediat ruse, Schroder ka vlerësuar se ky konflikt nuk mund të zgjidhet pa pjesëmarrjen e forcave pro-evropiane të presidentit serb, Boris Tadiç. "Jam i mendimit se njohja e pavarësisë së Kosovës ka qenë një hap jo i drejtë, pasi është bërë para kohe. Në thelb, duke e njohur Kosovën, shumica e shteteve anëtare të BE-së dhe SHBA-të,në vend të zgjidhjes së problemit vetëm sa kanë krijuar shumë probleme të reja”, ka vlerësuar ai. "Nëse flasim hapur, në këtë rast BE-ja në mënyrë të shkujdesur i është nënshtruar presionit amerikan. Kjo zgjidhje, ndoshta, ka qenë në interes të Amerikës, por jo edhe të Evropës”, ka shtuar ai. Kosova sipas tij ka mundur të hyjë në BE në kuadër të Serbisë, ose ka mundur të formohej shtetësia e pavarur e Kosovës gjatë hyrjes së përbashkët të Serbisë e Kosovës në BE”.

Artikullin origjinal mund ta lexoni ketu

lajme.parajsa.com