BEOGRAD- Pas debatit të mbrëmshëm në Parlamentin serb partitë parlamentare në Serbi arritën në një konsensus kombëtar për ratifikimin e marrëvëshjes së MSA dhe të marrëveshjes së tregtisë interim me Bashkimin Europian. Lajmi konfirmohet nga zv kryeministri serb Bodizar Djelic.

Sipas këtij konsensusi MSA do të rafitikohet duke i shtuar asaj një amendament shtesë ku theksohet se Kosova është pjesë e Serbisë.

Dje Partia Radikale Serbe e Tomislav Nikolicit propozoi amendamentin duke kërcënuar se nuk do të firmoste MSA pa draftin e propozuar.

Amendamenti i propozuar nga radikalët parashikon që neni 2 i ligjit të konsistojë tek pohimi sipas të cilit Serbia i sheh kërkesat që dalin nga MSA, si konfirmim të faktit që MSA nuk dobëson integritetin territorial të Serbisë dhe në mënyrë të vecantë statusin e Kosovës si pjesë integrale të saj, në përputhje me rezulutën 1244 të KS së OKB-së.

Deklaratat e Nikolic u kundërshtua dje nga Partia Demokrate Serbe dhe partia “Serbia e Re”.
Përfaqësuesit e PDS dhe NS gjatë debatit deklaruan mbrëmë se nuk do të mbështesnin amendamentin e Partisë Radikale pasi nuk mund të detyrohej BE të respektonte integritetin territorial te Serbisë.

Zëvëndes kryeministri serb, Djelic e cilësoi marrëveshjen e arritur mbrëmë si një konsensus kombëtar “i njëjtë me atë të disa viteve më parë në lidhje me mbrojtjen e integritetit territorial serb”

“Mbrëmë ne pamë një konsensus kombëtar në lidhje me anëtarësimin në BE, i cili është shumë domethënës për Serbinë”- tha Djelic.

“Në fillim Kushtetuta më pas rezoluta e cila ui miratua me një shumicë votash dëshmon se kërkesa e Serbisë për Kosovën duhet të merret seriozisht nga vendet e tjera.

Djelic tha se konsensusi i gjerë parlamentar përkrah pozicionin e Serbisë, dhe dërgon një sinjal investitorëve të huaj dhe BE se Serbia mbështet hyrjen në BE por jo me çmimin e humbjes së Kosovës.

(s.g/B92/BalkanWeb)