SHKUP- Imer Selmani zyrtarizon tërheqjen e tij të paralajmëruar nga posti i nënkryetarit dhe nga të gjitha organet e PDSH-së. Ai konfirmoi dje se do të formonte një subjekt të ri politik i cili sipas tij, do të kishte dhe përfaqësues në parlament.

Selmani shpjegoi largimin e tij pasi “nuk ajtohej me veprimet e partisë së tij, sidomos me ato të marra gjatë muajve të fundit”. Imer Selmani nuk bëri të ditur deputetet që do t'i bashkoheshin atij në subjektin e ri politik.
Burime të brendshme nga fraksioni i PDSH bëjnë të ditur se në partinë e re do të bëjnë pjesë dhe 5 deputetë të PDSH-së që njihen si mbështetës të Selmanit. Ka zëra se në partinë e re do të bëjnë pjesë edhe deputetë të BDI-së të pakënaqur nga drejtimi i Ali Ahmetit.

PDSH-ja, që drejtohet nga Menduh Thaçi, është në opozitë pas zgjedhjeve të fundit në Maqedoni, e cilësoi dorëheqjen e ish-nënkryetarit të saj si veprim të gabuar.

Imer Selmani njihet si një ndër deputetët e PDSH-së që gëzon mbështetjen e ndërkombëtarëve, madje dhe më shumë së Menduh Thaci, kreu aktual i PDSH-së.

(s.g/BalkanWeb)