Këtë deklaratë zoti Berisha e bëri në Tiranë duke kritikuar Rusinë se “një ditë sulmon një vend, ditën tjetër bën deklarata kundër anëtarësimit të Shqipërisë dhe Kroacisë në NATO, e kështu me radhë”.

Kryeministri i Shqipërisë i bëri këto komente si përgjigje ndaj akuzave të një gjenerali rus në Moskë, sipas të cilit Shqipëria dhe disa vende të tjera në Ballkan i kishin shitur armë Gjeorgjisë.

“Akuzat ruse nuk më çudisin aspak sepse kanë një qëndrim konstant ndaj shqiptarëve. Për mendimin tim, qëndrimi rus ndaj vendeve të vogla është jashtëzakonisht i dënueshëm”, ka deklaruar Sali Berisha.