Kusht për këtë është që të dyja palët të kenë disponim për t'u takuar.

Zëdhënësi i UNMIK-ut, Alexander Ivanko, tha se UNMIK-u me dëshirë do të lehtësonte një takim të tillë.

Por, ai theksoi se takimi i dy presidentëve nuk pritet të ndodhë shpejt.

Zoti Ivanko deklaroi se nëse nuk do të ketë takim të drejtpërdrejtë Prishtinë-Beograd, atëherë zyrtarët e OKB-së do të luajnë rolin e lehtësuesit.

Ata do të vazhdojë të udhëtojë herë në Kosovë, herë në Serbi, për të provuar që të dyja palët të arrijnë në një zgjidhje.

Deklaratat e zëdhënësit të UNMIK-ut vijnë pasi presidenti i Kosovës, Fatmir Sejdiu, shprehu gatishmërinë për ta takuar homologun e tij serb, Boris Tadiq.

Në një intervistë për BBC-në zoti Sejdiu tha se ishte i gatshëm të takohej me zotin Tadiq në cilësinë e presidentëve të dy shteteve fqinje.