Dhe tani... dietaaaaa!

Dezintoksikuese dhe pastruese, kjo dietë përgatit organizmin plotësisht për ndryshimin e stinëve, që shoqërohet gjithmonë nga një fazë aspak e lehtë ambientimi të organizmit me ritmet e reja

Je përherë në të njëjtën pikë. Sapo ke futur nëpër qoshe gardërobën e dimrit, që me veshjet e saj të trasha e të gjera e ka arkivuar të paktën për disa muaj ankthin e kileve të tepërta. Por ja ku ke varur nëpër varëse veshjet e lehta, që tregojnë si pasqyrë të gjitha defektet. OK. Para se të fillosh dietat spartane që premtojnë mrekulli, ndalu për një çast! Sepse ky nuk është vetëm një problem kilesh të tepërta. Në rrumbullakosjen e linjave ndikojnë edhe kequshqyerja, regjimi hidrik, fermentimet intestinale... Shqetësime për të cilat ndërgjegjësohesh menjëherë pas ardhjes së pranverës, që për organizmin është një fazë revolucioni pas stuhive kalorike dimërore.

Për t’u ndier më e lehtë në ditët e ngrohta e për të shmangur sa më shumë shqetësimet tipike të stinës së re (gjumë, lodhje, nervozizëm, këmbë të rënda), ja një dietë që llogarit 1300 kalori të përditshme. Një dietë e veçantë, sepse çdo ditë ka në qendër një ushqim me veti të spikatura pastruese dhe mbrojtëse.

E hënë

Mëngjesi

- 150 g qumësht pjesërisht i skremuar

- 30 g biskota integrale pa sheqer

Dreka

- 70 g oriz integral me angjinare

- 150 g mish i pjekur në skarë me garniturë angjinaresh të papjekura, spërkatur me lëng limoni dhe një lugë vaj ulliri

Darka

- një pjatë me perime të pjekura

- sallatë me fasule dhe angjinare, të gatuara në avull, me një vezë të zier dhe 80 g ton natyral

- 30 g bukë integrale

E martë

Mëngjesi

- lëng portokalli të shtrydhur

- 30 g bukë me dy feta proshutë të pjekur

Dreka

- 70 g pastë me stika pishe, borzilok dhe vaj ulliri

- shparguj të pjekur në furrë me 100 g djathë të grirë

- sallatë frutash

Darka

- një pjatë krem shpargujsh

- spinaq të gatuar me 200 g karkaleca, pak parmigiano dhe një lugë vaj ulliri

- 30 g bukë integrale

E mërkurë

Mëngjesi

- një gotë qumësht soje me 30 g drithëra

Dreka

- supë me sojë dhe fasule

- 180 g peshk i pjekur

- sallatë me perime të pjekura, me një lugë vaj ulliri dhe uthull balsamik

Darka

- sallatë me perime mikse dhe me 80 g ton natyral

- 180 g fasule kutie me një lugë vaj ulliri

- 30 g bukë soje

- sallatë me fruta pylli

E enjte

Mëngjesi

- 80 g krem kosi me copa frutash

Dreka

- 180 g mish pule ose gjeli të pjekur, me sallatë perimesh të pjekura

- një frutë

Darka

- 125 g mozarela “light” të pjekur me radhiqe

- 30 g bukë integrale

E premte

Mëngjesi

- një çaj limoni

- dy biskota me dy lugë marmelatë pa sheqer dhe pak gjalpë “light”

Dreka

- 70 g oriz me 100 g kërpudha

- sallatë mikse me 80 g salmon natyral dhe një lugë vaj ulliri

- sallatë frutash të freskëta

Darka

- 200 g salmon i pjekur

- perime të pjekura

- një fetë ananas

E shtunë

Mëngjesi

- boronica të kaluara në mikser dhe 150 g qumësht i skremuar me ëmbëlsues

Dreka

- 100 g proshutë e tymosur

- sallatë jeshile me uthull balsamik dhe një lugë vaj ulliri

- 30 g bukë integrale

- sallatë mjedre

Darka

- 180 g peshk i pjekur

- 100 g sallatë mikse me një lugë vaj ulliri

- 30 g bukë integrale

- sallatë frutash pylli (boronicë, mjedër, rrush pa fara)

 E diel

Mëngjesi

- 1 vezë

- 1 fetë bukë e thekur

- lëng portokalli i shtrydhur

Dreka

- 200 g sallatë deti

- sallatë kërpudhash me limon

- 20 g parmigiano i copëtuar, i spërkatur me një lugë vaj ulliri

- 30 g bukë integrale

- 1 lugë akullore me fruta

Darka

- 1 picë Margherita