SHKODER- Ndërron jetë në spital njëri nga të plagosurit në atentatin e ndodhur mbrëmë në qytetin e Shkodrës. Nail Grezda, 48 vjec humbi jetën sot në orët e para të mëngjesit në spitalin e Shkodrës, ndërsa i plagosuri tjetër Artur Kola 36 vjec vazhdon të jetë në gjendje kritike për jetën. Grezda dhe Kola u qëlluan mbrëmë me armë zjarri në afërsi të shkollës Mekanike Bujqësore, në lagjen Dërgut të qytetit verior. Autorët e vrasjes mendohet të kenë qenë dy persona të cilët kanë qenë të maskuar dhe kanë lëvizur me bicikletë. Burime nga policia pohon se një nga armët e përdorura në atentat mendohet të ketë qenë me silenciator. Një grup hetimor i Drejtorisë së Policisë së Shkodrës po punon për zbardhjen e vrasjes dhe identifikimin e autorëve.

(s.g/Balkanweb)