BALLSH- Operacioni i koduar “Gazoil” ka vënë në pranga 5 shtetas, tre prej të cilëve me uniforma policie me kontratë ne Kombinatin e Përpunimit të thellë të Naftës Ballsh. Ka qënë sektori kundër krimit financiar në Drejtorinë e Policisë së qarkut Fier që ka vënë në pranga Taulant Celën, 33 vjec, banues në Mallakastër me profesion punëtor, Ahmet Metohu, 44 vjec banues në Ballsh, me profesion polic me kontratë në KPTHN Ballsh, Genci Mahmutaj, 34 vjec banues në Fier, me detyrë polic me kontratë në KPTHN Ballsh, Viron Pashaj 33 vjec përgjegjës turni në pikën e shitjes së lëndëve djegëse në KPTHN Ballsh, Ilir Shehaj, banues në Fier, me detyrë polici me kontratë. Të gjithë këta shtetas kanë kryer veprën peale të vjedhjes në bashkëpunim me njëri tjerin duke shpërdoruar detyrën e ruajtjes së reparteve të prodhimit e të shitjes së lëndëve djegëse në KPTHN Ballsh. Ata kanë arritur të mbushin rreth 50 bidona me kapacitet secila 28 litra me gazoil me qëllim vjedhjen e gazoilit. Pas arrestimit të tyre në flagrancë policia ka sekuestruar në cilësinë e provës materiale 50 bidonat plastikë të mbushur me gazoil si dhe tre automjete të tyre. Materialet i kanë kaluar organit të akuzës për veprime të mëtejshme hetimore.

(s.g/NEWS24/BalkanWeb)