TIRANË- Kryeministri Sali Berisha i propozoi sot Presidentit Bamir Topi te miratoje disa ndryshime ne qeveri. Kryeministria bën të ditur në një njoftim për shtyp se Berisha i propozoi Topit emërimin në postin e Zëvendëskryeministrit të Zotit Genc Pollo dhe lirimin e tij nga posti i Ministrit të Arsimit dhe Shkencës.
Gjithashtu, Kryeministri Berisha i propozoi Presidentit emërimin në postin e Ministrit të Arsimit dhe Shkencës të Zotit Fatos Beja, Dr. i Shkencave Filologjike, emërimin në postin e Ministres së Shëndetësisë të Prof. As. Dr. e Shkencave Zonjën Anila Godo dhe lirimin nga kjo detyrë të Zotit Nard Ndoka.
Zëdhënësja e Kryeministrit, Juela Meçani bëri të ditur sot, në një deklaratë për shtyp, se propozimet e Kryeministrit janë bërë në bazë të nenit të 98.1 të Kushtetutës së Republikës së Shqipërisë.
(d.b/Balkanweb)