DURRES- Dyshimet për një rrjet të trafikut të kokainës të tretur në shishet e verës, ka bërë që dosja për zbardhjen e misterit të vdekjes së Tomi Rrumbullakut dhe Diana Xibrakut teksa drekonin në një lokal në Durrës, t’i dorëzohet Prokurorisë së Krimeve të Rënda. Sipas  organit të akuzës behet e ditur se po hetohet në disa pista, por më kryesorja është ajo e një rrjeti të mundshëm të trafikut të drogës nga Shqipëria drejt vendeve të tjera. Dyshohet se lënda narkotike tretej në verë dhe pasi dërgohej jashtë shpërbëhej sërish nga ku përftohej kokaina. Por një fakt i tillë do të dilte në dritë, pas vdekjes së ciftit Tom Rrumbullakut dhe të njohurës së tij, Xibraku në një lokal në qytetin bregdetar. Nga hetimet rezultoi se dy të njohurit gjetën vdekjen për shkak të toksikimit nga vera e kuqe dhe overdozës. Këtu lindën dyshimet se në verë ishte tretur kokainë. vera u dërgua në laboratorët e mjekësisë ligjore dhe laboratorin kimik të ushtrisë, ku përvecse u vërtetua një fakt I tillë, që në verë ishte tretur kokainë, u llogarit se përqindja ishte tepër e lartë dhe vlera e lëndës narkotike të gjetur në shishe kapte vlerën e 1 milion lekëve. Mesa duket dy personat qe humben jeten nuk kane patur dijeni per pranine e lendes narkotike ne shishen e veres qe me pas u ka shkaktuar vdekjen. Krimet e rënda do të hedhin dritë për të vërtetuar dyshimet e forta për trafikun e kokainës në këtë mënyrë mjaft të sofistikuar. Pavarësisht të gjitha hetimeve, ende mister mbetet fakti se ku e kishte marrë shishen e verës viktima Tomi Rrumbullaku. 
(a.r-news24/balkanweb)