FIER -

Ora 19: 20 Tjetër shpërthim është shënuar në fshatin Zharrëz të Fierit, por kësaj here në përmasa më të vogla se shpërthimi i mesditës. Si pasojë e këtij shpërthimi gazi vazhdon të përhapet në Zharrëz, ndërsa po punohet për bllokimin e vatrës së shpërthimit e cila ndodhet pranë vatrës së parë.
Shpërthimi që tronditi fillimisht fshatin Zharrëz ndodhi rreth mesditës së sotme. Shpërthimi dhe flakët e pusit te naftës i cili ndodhet në qendër të fshatit kanë rrezikuar me dhjetra banesa që ndodhen aty duke përhapur panik tek banorët. Pasi ka çarë tubat e naftës gazi ka shpërthyer duke rrezikuar qendrat e banimit përreth si dhe për banorët ëe cilet janë evakuar per shkak të këtij rreziku. Ndërkohe si rezultat I rrezikshmërisë që mund të ketë nga kontakti me gazin e shpërthyer është ndërprerë dhe energjia elektrike. 10 prej banorëve janë dërguar drejt spitalit të Fierit të toksikuar që kanë pësuar nga shpërthimi ku ndodhen jashtë rrezikut për jetën. 7 banorë janë ende në spital ndërsa 3 të tjerë kanë marrë ndihmën e parë dhe janë larguar.

Shpërthim gazi në Fier, 13 të prekur

Ora 16:00 Një shpërthim i rëndë është dëgjuar mesditën e sotme nga nje pus i prodhimit të naftës  në fshatin Zharrëz  të qytetit të Fierit. Shpërthimi dhe flakët e pusit të naftës, i cili ndodhet në qendër të fshatit, kanë rrezikuar me dhjetëra banesa që ndodhen aty duke përhapur panik tek banorët. Pasi ka çarë tubat e naftës gazi ka shpërthyer duke rrezikuar qendrat e banimit përreth si dhe për banorët të cilët janë evakuar për shkak të këtij rreziku.
Ndërkohë që si rezultat i rrezikshmërisë që mund të ketë nga kontakti me gazin e shpërthyer është ndërprerë dhe energjia elektrike. Gjatë një prononcimi për “News24” prefekti i Fierit Shahin Deda ka deklaruar se ka rreth 30 minuta që gjendja është normalizuar. 9 prej banorëve janë dërguar drejt Spitalit të Fierit pas toksikimit që kanë pësuar nga shpërthimi ku ndodhen jashtë rrezikut për jetën. 6 banorë janë ende në spital ndërsa 3 të tjerët kanë marrë ndihmën e parë dhe janë larguar.  
“Në vendngjarje kanë mbërritur 4 grupe nga forcat e ndërhyrjes së shpejtë, 2 autoambulanca si dhe zjarrfikëse të cilët kanë bërë të mundur vënien nën kontroll të vatrës së shpërthimit nga ku dilte gazi”, ka deklaruar Deda. Sipas prefektit mësohet se momentalisht zjarrfikëset janë larguar nga vendi i ngjarjes pasi situata paraqitet totalisht nën kontroll.
Lidhur me shkaqet e zjarrit prefekti i Fierit tha se shpërthimi i sotëm nuk është rasti i parë. “Unë nuk mund të konfirmoj se ky ka qenë një gabim i naftëtarëve. Procese të tilla janë të zakonshme. Këto janë shpërthime spontane”, tha Deda.
Po kështu mësohet se policia e Fierit ka evakuar gjithsej, 120 familje ndërsa pritet të evakuohen edhe të tjera familje që mund të rrezikohen.
Ndërkaq sipas Drejtorit të Spitalit të Fierit Artur Gjika, mjekët janë në gatishmëri ndërsa situata është nën kontroll. Gjendja shëndetësore e të shtruarve është normalizuar dhe nuk ka rrezik për jetën.

(a.r/a.s/d.b/News24/Balkanweb)