GJIROKASTER- Policia e qarkut Gjirokastër në vijim të punës për evidentimin dhe shkatërrimin e parcelave të mbjella me bimë narkotike sot rreth orës 17:15, ka evidentuar dhe shkatërruar një parcelë të hapur rishtas për të kultivuar bimë narkotike në fshatin Gjatë të Komunës Lunxhëri të rrethit Gjirokastër, në një përrua poshtë këtij fshati. Në këtë parcelë ishin të mbjella 75 rrënjë bimë narkotike të dyshuara si Kanabis Sativa, të cilat varionin nga 270 deri në 320 centimetra të larta. Bimët janë shkatërruar në vend me anë të djegies, ku disa prej tyre janë marrë në cilësinë e povës materiale. Policia po punon për indentifikimin dhe kapjen e autorit të këtyre bimëve. Materialet i kaluan Prokurorisë së Rrethit Gjyqësor Gjirokastër për veprime të mëtejshme, për veprën penale të “Kultivimit të bimëve narkotike“.

(a.r/news24/balkanweb)