TIRANA- Mediat e huaja komentojnë gjobën e vendosur ndaj televizionit të pavarur shqiptar NEWS 24, duke e konsideruar si “një masë dhunuese e qeverisë ndaj shtypit të lirë”. Agjencia prestigjoze amerikane e lajmeve “Associated Press” i kushton një artikull këtij skandali nën titullin: “Albanian TV station fined over anti-gov't spot”, (Stacioni televiziv shqiptar gjobitet për një spot antiqeveritar. http://www.forbes.com/feeds/ap/2008/09/03/ap5385033.html
“Berisha dëshiron të blejë disa kanale mediatike dhe të frikësojë mediat e tjera”- citon Associated Press kryeredaktorin e tv NEWS24 Ilir Babaramo.

Në shkrim sqarohet pretendimi i NEWS 24 se nuk është shkelur ligjin pasi G99 nuk është një parti politike. Neni 55 të cilës i referohet KKRT ndalon publikimin e reklamave të partive politike jashtë fushatës elektorale.

Më pas Associatet Press kujton se shpesh media Shqiptare është kërcënuar nga autoritetet vendore sa herë që kritikojnë një qeveri që nga rënia e regjimit totalitar komunist.
Associatet Press kujton se Bashkimi Europian i ka kërkuar Shqipërisë lirinë e shtypit si një ndër tre kushtet për anëtarësimin e saj në BE. Dy kushtet e tjera janë pavarësia në sistemin e drejtësisë dhe të drejtat mbi pronën.

Gjoba arbitrare e vendosur nga KKRT ndaj NEWS 24, gjithashtu është komentuar dhe nga mediat të tjera si BBC por edhe agjencia e lajmeve BalkanInsight.

Në artikullin e titulluar “Albania TV Station Fined for Critical Advert” (Stacioni televiziv shqiptar gjobitet për reklamën kritike http://www.balkaninsight.com/en/main/news/12846

Agjencia e lajmeve Balkaninsight i referohet dhe një studimi të publikuar në mars nga USAID dhe e mbështetur nga SHBA ku thuhet se korrupsioni në Shqipëri është më madh se në vitet e kaluara.

Sipas këtij studimi 92 % e shqiptarëve pranojnë se korrupsioni gjendet kudo në zyrat e shërbimeve publike. Korrupsioni mbetet një ndër problemet më madhore të Shqipërisë dhe ndikon shumë në imazhin e Shqipërisë jashtë vendit. Lufta e korrupsionit mbetet një ndër kushtet e BE-së për anëtarësimin.

(eva kushova/suela gera/BalkanWeb)