TIRANE- Kombëtarja shqiptare do të nisë sot përgatitjet për miqësoren e 20 gushtit ndaj Litenshtejnit, testi i fundit përpara sfidës eleminatore me Suedinë. Tekniku kuqezi Ari Han do të mbërrijë rreth mesditës në aeroportin e Rinasit dhe më pas do të drejtohet direkt për në hotel “Adriatik” në Durrës. Holandezi ka grumbulluar vetëm 18 futbollistë për ndeshjen që luhet të mërkurën dhe ajo që bie në sy, është lënia jashtë e bomberit kryesor të ekipit, Erjon Bogdanit. Është ky sqarimi i parë që duhet të japë Ari Han në momentin e mbërritjes. Rreth pasdites, pritet që grupi i kuqezinjve të jetë i plotë, ndërkohë që stërvitja e plotë do të nisë vetëm nesër.

(s.g/Balkanweb)