FUSHE KRUJE- Të burgosurit kërcejnë dhe këndojnë sëbashku me civilët në burgun e ri të sigurisë së lartë në Fushë-Krujë. Duket se asnjëra nga palët nuk i kanë rezistuar muzikës që u ofrohej nga këngëtarë popullorë gjatë vizitës së autoriteteve më të larta të Drejtorisë së Përgjithshme të Burgjeve, vizitë e cila u shoqërua me një koncert festiv.
Nëndrejtori i përgjithshëm i burgjeve Lulezim Kodra, i cili ndodhej për inspektim në burgun e Fushë-Krujës, i hapur para pak kohësh u shpreh se “ky është një institucion integrimi dhe jo institucion ndëshkimi”. Kodra ka parë nga afër gjëndjen e burgut të ri, i cili prezantohet me parametra europianë. Ndërkohë ky inspektim i vë vulën fillimit të punës normale të këtij institucioni si një burg i sigurisë së lartë. (a.r-news24/balkanweb)