ALESANDRIA-  Shqiptari i cili vdiq dje pasdite në një aksident ajror në Aleksandrino të Italisë është Florent Ergika. Sipas medias italiane 30 vjecari ishte në Itali për muajin e mjaltit dhe
ishte i ftuari i Claudio Grecos, kunati i Alain Elkan, shkrimtar dhe gazetar i njohur në Itali.

Edhe ky i fundit vdiq në aksidentin ajror që ndodhi dje pasdite rreth orës 19. 30 minuta në Alesandrino.
Avioni i vogël ku udhëtonin dy miqtë, njëri shqiptar dhe tjetri italian u rrëzua dje pasdite në lumin Po në Basinjana, në Aleksandrino të Italisë. Përplasja ka qenë fatale për të dy personat të cilët menjëherë kanë humbur jetën. Florent Ergika së bashku me Claudio Grekon, 57 vjec ishin nisur me avion nga Piovera e Alesandrinos dhe pasi kishin kryer vetëm disa milje fluturim janë rrëzuar në ujrat e lumit Po. Policia po heton për të zbuluar shkaqet që kanë cuar avionin të përplasej.

(s.g/Balkanweb)