NJU JORK- Pesë personat e akuzuar për komplot ndaj bazës amerikane Fort Diks, tre prej të cileve shqiptarë kanë kërkuar shtyrjen e gjyqit të planifikuar për në shtator, pasi dëshmitari kryesor është thirrur me detyrë në Irak. Tre nga të dyshuarit vëllezërit Shain, Dritan dhe Elvir Duka janë emigrantë nga Shqipëria ndërsa Muhamad Shnefer qytetar gjeorgjian e Serdar Tartar me origjinë nga Turqia, të gjithë në kohën e planifikimit të komplotit jetonin ne SHBA. Të pestë akuzohen për komplot ndaj bazës amerikane, për përgatitje të veprimeve të armatosura për të vrarë ushtare amerikanë. Në kërkesën e bërë nga mbrojtësit e të pandehurve për shtyrjen e gjyqit thuhet së një rezervist ushtrie Gregori Li, që njëkohësisht është agjent federal në pension me eksperiencë në cështjet e terrorit ka kaluar 142 orë në rishikimin e fakteve dhe është përgatitur të dëshmojë në favor të mbrojtjes. Aktualisht ai është me detyrë në Irak dhe avokatët e kanë të vështirë ta zëvendësojnë për shkak të kohës së pamjaftueshme. Gjyqi nis në Kampden më 29 shtator. Të pestë të akuzuarit, përfshi tre shqiptarët e kanë shpallur veten të pafajshëm. Nëse pranohet kërkesa për shtyrje, atëherë seanca mund të nisë pas disa javësh, ose muajsh. Mediat thonë se ky do të jetë gjyqi më i madh për terrorizëm që nga 11 shtatori 2001. Të gjithë të pandehurit të moshës rreth të 20-tave janë qyuajtur islamikë radikale. Ata u arrestuan në maj 2007 pas një operacioni 15 mujor investigimi nga FBI.

(s.g/NEWS24/Balkanweb)