VLORE- Bregdeti shqiptar josh jo vetëm qytetarët e thjeshtë kosovarë por edhe drejtuesit e shtetit më të ri në botë.

Kryeministri kosovar Hashim Thaci ka zgjedhur bregdetin e bukur jonian për të kaluar pushimet verore. I shoqëruar nga bashkëshortja dhe djali i tij kreu i qeverisë kosovare Hashim Thaci prej 10 ditësh ndodhet në plazhin e Dhërmiut, në qytetin e Vlorës.

Edhe presidenti kosovar, Fatmir Sejdiu zgjodhi bregdetin shqiptar për të kaluar pushimet verore. Pak ditë më parë presidenti Sejdiu i shoqëruar dhe nga familja e tij ishte në qytetin bregdetar të Durrësit. Në këtë qytet Presidenti Sejdiu zhvilloi dhe një takim miqësor, jo zyrtar me presidentin shqiptar Bamir Topi.

(s.g/Balkanweb)