KUKËS - Qyteti I Kukësit është përfshirë nga kriza e ujit të pijshëm edhe pse burimet kanë prurjet e bollshme në ujësjellës. Amortizimi I tejskajshëm I rrjetit shpërndarës ka krijuar anomali për furnizimin me ujë të qytetarëve. Ata duhet të zënë radhë shumë herët për të pritur sasinë e paktë të ujit që vjen vetëm në katet e para të pallateve. Mungesën e ujit të pijshëm, drejtuesit e ujësjellësit e lidhin gjithashtu edhe me dëmtimet e rënda të rrjetit që I bëjnë banorët e zonave përreth,duke e përdorur për vaditje. Ndërsa për rikonstruksionin e linjave burimet lokale bëjnë të ditur se ka një mungesë të theksuar të financimeve.
Ndërkohë shoqëria e ujësjellësit në Kukës e mbështetur nga policia bashkiake dhe ajo e rendit ka ndërmarre një aksion për të ndërprerë lidhjet e paligjshme në rrjetin ujësjellësit. Sipas tyre kjo do të përmirësojë ndjeshëm furnizimin me ujë të qytetarëve.
(a.s/News24/Balkanweb)