KUKES- Rreshjet e dendura të shiut kanë shkaktuar rreshqitjen e mijrave kubëve dhe në aksin rrugor Kukës-Shishtavec. 3 komuna për gjatë rrugës me 22 mijë banorë kanë mbetur të bllokuara për shkak të rrëshqitjeve të masivëve të tëra dheu në pjesë të ndryshme të rrugës nacionale e cila lidh Shqipërinë me Kosovën dhe Maqedoninë nëpërmjet pikës kufitare të Shqishtavecit. Më shumë se 10 automjete kanë mbetur të bllokuara, ndërsa policia lokale ka marrë masa duke njoftuar drejtues të tjerë mjetesh që të mos kalojnë nëpër këtë rrugë. Ndërkohë një tjetër aks i rëndësishëm rrugor ka mbetur i bllokuar prej dy muajsh që pas rreshjeve të shirave që dëmtuan rrugën nacionale që lidh Shqipërinë em Kosovën ne segmentin e Rubikut. Drejtues të mjeteve që udhëtojnë në këtë segment rrugorë shpesh herë u është dashur një sforco për të bërë të mundur shmangjen e rënies në greminë që nuk është pak, por mbi 35 metra. Edhe përse drejtuesit e Drejtorisë së Rrugëve janë njoftuar për këtë shëmbje të rrugës, e cila tashmë është bërë një kalimëshme askush nuk është kujtuar për rikonstruskionin e saj. Sipas drejtuesve të mjeteve që lëviznin në këtë ask rrugorë, për në Mirditë, Fushë Arrës, Tropojë, Kukës dhe Kosovë  kalimi i mjeteve në këtë pjesë rruge është i rrezikshëm veçanërisht gjatë natës, për shkak edhe të  kthesave të shumta.

(a.r-news24/balkanweb)