KURBIN - Një aksident i rëndë ka ndodhur në orën e pasdites në rrethin e Kurbinit. Një 55 vjeçare ka humbur jetën si pasojë e këtij aksidenti i cili mendohet të jetë shkaktuar nga shpejtësia e madhe e automjetit. Konkretisht aksidenti ka ndodhur në kryqëzimin e Sanxhakut në rrethin e Kurbinit, kur automjeti me targa të Fierit, FR 7814 A ka përplasur për vdekje 55 vjeçaren Katerina Martini. Burime të policisë lokale bëjnë të ditur se për këtë ngjarje është arrestuar drejtuesi i automjetit, Dedë Marku i cili tentoi të largohej pas aksidentit. Ende nuk dihen rrethanat e sakta të këtij aksidenti me pasojë vdekjen e një personi, por dyshohet që shkak të ketë qenë shpejtësia e madhe e automjetit. Ndërkohë policia është duke marrë në pyetje të arrestuarin Marku për të zbardhur të gjithë ngjarjen.
(a.s/Balkanweb)