TIRANE- Eshte zhvilluar sot ceremonia e përcjelljes së kontigjentit të 12-të trupave paqëruajtëse shqiptare drejt Irakut. Misioni paqëruajtës prej 120 trupash do të shërbejë për ruatjen e paqes dhe sigurise ne Mosul dhe Bagdat. Në ceremoni mori pjesë kryeministri Berisha, ministri i mbrotjes Oketa, Zv.ambasadori i SHBA-së Kristina dhe familjarë të ushtarakëve. Gjatë fjalës së tij kreu i qeverisë vlerësoi kontributin 5-vjecar të ushtrisë shqiptare për garantimin e paqes në botë. Berisha tha “se trupat paqëruajtese janë kthyer tashmë në faktorë të rëndësishëm të anëtarësimit të Shqipërisë në NATO”. “Qeveria shqiptare -tha Berisha- do të shprehë gadishmërinë e saj maksimale sa herë të nevojitet bashkëpunimi në misione paqëruajtëse dhe në luftën kundër terrorizmit. Kreu i qeverisë falenderoi ushtrinë dhe Shtetet e Bashkuara të Amerikës për bashkëpunimin e deritanishëm. Me 120 trupat që do të nisen pas dy ditësh drejt Irakut, numri i kontigjentit tonë paqëruajtës në vende si Iraku, Afganistani, Cadi etj arrin në mbi 400.

(s.g/BalkanWeb)