TIRANE- Së shpejti të gjitha lejet dhe liçensat do të merren në një zyrë të vetme. Qeveria premton ngritjen e një qendre One Stop Shop edhe për liçensat, të njëjtë me atë të regjistrimit të biznesit. Kryeministri Berisha ka deklaruar gjatë mbledhjes së rradhës së Task Forcës për reformën rregullatore se kalimi i liçensave të mbetura në sistemin One Stop- Shop bëhet duke ndjekur praktikën më të përparuar ndërkombëtare.
Marrja e liçenave dhe lejeve në një qendër të vetme synon reduktimin e burokracive administrative, të cilat aktualisht konsiderohen shumë problematike, pasi vështirësojnë klimën për biznesin. Ato përkthehen në kohë dhe para të humbura për subjektet private.
(a.r/balkanweb)