TIRANE-  Partia Socialiste paralajmëron se vendi rrezikon të përballet sërish me një dimër të vështirë energjetik. Nënsekretari për Programin në Partinë Socialiste Ilir Beqja fajëson kryeministrin Berisha dhe qeverinë që ai drejton për këtë situatë.

“Humbjet në KESH vijojnë të jenë të larta. Nën qeversijen e Kryeministrit më të papaftë të tranzicionit, niveli i mbledhjes së të ardhurave ra deri nën 45 % (III – mujori i 2006), ndërsa për vitin 2007 nuk është më shumë se 50 %”- tha sot paradite në një prononcim për shtyp nënsekretari për programin e PS-së Ilir Beqja.
Më tej përfaqësuesi socialist akuzon Operatorin e Sistemit të Shpërndarjesse po vazhdojnë në avazin e vjetër të KESH me veprime abuzive.

“OSSH në mënyrë krejt abuzive, edhe në kushtet e një konsumi normal në mes të Tiranës, ngarkon në mënyrë abuzive sipërmarrjet me konsum aforfe".
Sipas Beqes qeveria e kryeministrit Berisha do të mbahet mend edhe që detyron shqiptarët të paguajnë tatim mbi vlerën e shtuar për masat administrative.

(s.g/Balkanweb)