RRESHEN- Plagoset me armë zjarri teksa po ndiqte një ndeshje futbolli mes dy grupe shokësh. Ngjarja ka ndodhur mbrëmjen e djeshme rreth orës 23.30 në një fushë minifutbolli në qytetin e Rrëshenit vetëm 500 metra larg nga komisariati i policisë. 23-vjeçari Kreshnik Gjini ka qënë dukë ndjekur shokët e tij teksa po luanin futboll, por ka rënë pre e dy të shtënave të pistoletës, duke mbetur i plagosur nga një person ende i panjohur. Të rinjtë e pranishëm si spektatorë pas të shtënave i ka zënë paniku, ndërsa e kanë dërguar 23-vjeçarin Gjini, fillimisht në sptalin e Rrëshenit ku ka marrë ndihmën e parë e më pas në Spitalin Ushtarak në Tiranë. Policia në vendngjarje ka marrë në pyetje rreth 20 persona, por asnjë nga të pyeturit nuk ka dhënë informacion mbi autorin, pasi në momentin e plagosjes ka qënë errësirë. Misteri i plagosjes shtohet akoma më shumë, pasi i riu Gjini njihet si person pa probleme në këtë qytet duke shtuar këtu edhe faktin se i plagosuri nuk ka pranuar të flasë para policisë për këtë ngjarje. Blutë e Rrëshenit po punojnë aktualisht në dy pista për zbardhjen e ngjarjes. E para mendohet të jetë vetëplgosja Kreshnik Gjinit nga pakujdesia  dhe e pista e dytë ajo e asgjësimit.(a.r/news24/balkanweb)