kandidatit tashmë zyrtar për president të SHBA. Obama pritet t’i shpjegojë mbështetësve të tij se ku konsiston ndryshimi që ai premton t’i sjellë Amerikës nëse do të zgjidhte president i saj. Kryetari i PS, Edi Rama po ndjek në Denver punimet e Konventës së Demokratëve amerikane. Në një lidhje telefonike për “News24” ai e ka cilësuar këtë ditë si një rast të mirë për të marrë shembull nga kjo përvojë. Rama, tërësisht i impresionuar, përsëriti edhe njëherë nevojën që kanë shqiptarët dhe shqiptaret për të bërë ndarjen e politikës së re me politikën vjetër.
“Vendi duhet të ndahet nga politika e keqe, nga bataku i një grupi njerëzish që na mbajnë peng prej 17 vitesh. Ne duhet ta ndryshojmë këtë proces dhe duhet të kuptojmë që nuk është politika një fushë veprimi ekskluzive e partive, për të mbrojtur ambicie krejt personale. Politika është për ta dhe duhet ti shërbejë atyre,  kjo është esenca e kësaj konvente”, tha Rama.

  Ndërsa është pyetur për ndonjë koalicion të mundshëm me LSI, Rama është shprehur “jemi përsëri në deklaratat e vjetra dhe unë dëshiroj të mbetem te konventa e re”.
Deri më sot, Rama nuk e ka shpjeguar akoma mbështetësve të tij se ku konkretisht ndryshon “politika e re” nga “politika e vjetër”.  Ajo që mund të kuptohet në vija të përgjithshme është se Rama, edhe pse kërkoi të bëhej kryetar i partisë më të vjetër në vend, asaj socialiste, nuk identifikohet me traditën e të bërit politike prej saj. Në këtë pikë, Konventa e Demokratëve afron shumë për të mësuar edhe për politikën e re shqiptare. Dje, ish Presidenti Klinton, bashkë me bashkëshorten e vete, H. Klinton, i hapën rrugën ish-rivalit Obama, duke fituar ndër të tjera, mirënjohjen e thellë të këtij të fundit, por edhe të mbarë Amerikës.
(g.sh/Balkanweb)