TIRANE- Lëvizja Socialiste për Integrim komenton deklaratat e kryetarit të Partisë Socialiste Edi Rama dhënë gjatë një interviste për "Zërin e Amerikës". Sekretari i Përgjithshëm i LSI-së, Zoti Petrit Vasili e ka etiketuar Ramën si personazhin e Benit tek filmi "Beni ecën vetë", i cili këndonte me zë të lartë në pyll për të larguar frikën.
Duke iu referuar intervistës dhënë nga SHBA për "Zërin e Amerikës", sekretari i përgjithshëm i LSI thotë se, nga zhvillimet atje Rama "pa në Amerikë si bëhet opozitë dhe jo pazar si i tij me Berishën". Megjithatë, për Lëvizjen Socialiste për Integrim, është fare e qartë se kryetari i rradhës i PS-së edhe pas kësaj vizite nuk ka mësuar se si bëhet opozita e vërtetë, se si trajtohet kundërshtari politik.
Për Sekretarin e Përgjithshëm të LSI-së, Zotin Petrit Vasili, kjo gjendje shkaktohet ngaqë për kryetarin e PS, Edi Rama prioritet është aleanca me Berishën dhe jo me Shqipërinë që vuan berishizmin.
(g.sh/balkanweb)