TIRANE- Firmat e ndërtimit që punojnë në infrastrukturë rrezikojnë të mos i realizojnë punimet brenda afateve të parashikuara në kontratë. Shkak është rritja e çmimeve të lëndëve të para, kryesisht naftës, hekurit dhe bitumit dhe mosindeksimi i tyre nga qeveria. Shoqata e ndërtuesve i ka kërkuar ekzekutivit kompensimin e këtyre kostove që në muajin maj, por deri tani nuk ka pasur asnjë reagim.
Rritja e çmimeve të lëndëve të para në sektorin e ndërtimit është verëjtur edhe për tregun e banesave. Instituti i Statistikave ka njoftuar se në fund të qershorit të këtij viti indeksi i kushtimit në ndërtimit ka pësuar një rritje prej 1.3 për qind kundrejt të njëjtës periudhë të vitit të kaluar. Ndërtuesit deklarojnë se rritja e kostove do t’iu faturohet qytetarëve, pasi do të rriten çmimet e shitjes së apartamenteve.
(a.r/news24/balkanweb)