SARANDE- Një zjarr i rënë që mesditën e djeshme në fshatrat e Sarandës vazhdon të jetë i aktivizuar edhe sot. Në ndihmë të zjarrëfikësve të Sarandës, është duke punuar edhe një avion i ardhur nga Greqia me kërkesë të palës shqiptare. Zjarri ka rënë fillimisht në komunat Livadhja e Dhivër për tu përhapur me shpejtësi edhe në fshatrat përreth. Zjarri ka përfshirë edhe fshatrat Kalsat, Llazat. Gravë e Qesarat ku janë djegur deri tani më shumë se 40 hektarë me ullishta e kullota. Forca të shumta policie, ushtria dhe banorë të zonave po përpiqen që nga dita e djeshme të shuajnë flakët e zjarrit që rrafshoi shumë shpejt rreth 40 hektarë. Aktulisht nuk mësohet të ketë dëme për banesat e fshatrave ndërsa policia është vënë në kërkim të autorëve të zjarrit. Shkaqet e rënies së këtij zjarri janë ende të paqarta ndërsa dyshimet e para flasin për një zjarrëvënie të qëllimshme.
(a.r/news24/balkanweb)