ITALI- Italia ka miratuar ndërtimin e një linje energjitike nënujore 400 kilovolt me Shqipërinë, për të rritur kështu importin e energjisë.
Lajmi u bë i ditur nga ministri italian për zhvillimin ekonomik Klaudio Skajola, i cili u shpreh se ishte firmosur një marrëveshje që autorizonte grupin energjitik italian “Moncada”, për të ndërtuar dhe menaxhuar një linjë të re energjitike për importimin e energjisë nga Shqipëria dhe Europa Lindore.
“Po përshpetojmë procedurat për realizimin e një infraskture të re energjitike, për të garantuar furnizim të sigurtë me energji elektrike si dhe për të zgjeruar gjeografinë e investimeve italiane, tha Skajola në një deklaratë
Linja e re do të ketë një kapacitet prej 500 megavat dhe do të lidhë portin jugor italian të Brindisit me Vlorën. Gjatësia e saj do të jetë në total 155 kilometra. Grupi energjitik “Moncada”,  bëri të ditur në Janar planet për ndërtimin e një linje energjitike edhe me Tunizinë. Italia mbulon rreth 12 deri në 14 përqind të nevojave për energji nëpërmjet importit që më së shumti vjen nga Franca.
(a.r/balkanweb)