TROPOJE- Asgjësohen rreth 1040 rrënjë kanabis sativa në rrethin e Tropojës. Operacioni u ndërmor nga policia e qarkut të Kukësit. Parcelat me bimë narkotike u gjetën në malin e Bobogushit, në fshatin Kërnajë, të komunës së Tropojës së vjetër. Policia i gjeti bimët e mbjella në një sipërfaqe të shpyllëzuar pa pronar toke, duke lënë në hije autorët e mbjelljes së lëndëve narkotike. Burimë nga policia e Kukësit bëjnë të ditur se ende nuk ka të arrestuar, ndërsa janë asgjësuar të gjitha rrënjët e zbuluara. Vetëm gjatë dy muajve të fundit policia e qarkut të Kukësit zbuloi dhe asgjësoi më shumë se 4370 rrënjë kanabis sativa në rrethin e Tropojës. Aksionet për asgjësimin e kanabisit janë ndjekur nga vetë kreu i policisë së qarkut të Kukësit Muharrem Cërriku.

(s.g/NEWS24/Balkanweb)