TIRANE- Listat e kandidatëve fitues për në fakultet mund të shpallen para 10 shtatorit. Burime pranë drejtorisë së përpunimit të të dhënave të rezultateve të Maturës Shtetërore në MASH shpjegojnë se menjëherë pas korigjimit të ankesave të mbërritura nga maturantët për "Librin e Transparencës" do të bëhet edhe shpallja e fituesve të fazës së parë. Që nënkupton ndarjen e kandidatëve nëpër universitete dhe degë përkatëse, në varësi të pikëve dhe preferencave të shënuara nga vetë ata. Sipas rregullores së publikuar nga MASH, regjistrimi i kandidatëve fitues do të kryhet si një vit më parë, në dy faza kryesore: regjistrimi paraprak dhe përfundimtar. Pas shpalljes së listës së fituesve me renditjen fillestare të të gjithë kandidatëve në programet e studimit (degët) përkatëse, ku janë shpallur fitues, bëhet regjistrimi paraprak pranë sekretarive në fakultetet e Universiteteve publike. ndërsa regjistrimi përfundimtar bëhet pasi janë hequr nga lista ata që kanë zgjedhur të nisin studimet jashtë Shqipërisë dhe ata që zgjedhin një shkollë të lartë private. vetëm pas kësaj bëhet nëj rishpërtndarje e kandidatëve, që është edhe përfundimtarja.

(s.g/GazetaShqiptare/BalkanWeb)