LEZHE- Gege Gjoka, 65 vjec ishte shoqëruar në komisariat pas denoncimit të familjes se i moshuari po i kanoste me armë. Gegë Gjoka ishte shoqëruar në komsariatin e Lezhës, rreth orës 01. 30 minuta të së mërkurës.

Një orë më vonë policia ka gjetur 65 vjecarin të vetëvarur në qelinë e tij. Gegë Gjoka kishte vetëm një ditë që kishte dalë nga burgu pasi kishte kryer dënimin prej 16 muajsh burg po për akuzën e “kanosjes” . Policia do të hetojë shkaqet që nxitën 65 vjecarin drejt vetëvrasjes.  

Të dielën e kaluar një tjetër i paraburgosur u vetëvar në dhomat e paraburgimit të komisariatit të Korcës. Enver Mehmetalli u gjet i pajetë në qelinë tij, me carcaf në grykë të cilin e kishte lidhur në kangjellat e dritares së qelisë. Viktima kishte shfrytëzuar momentin e ndërrimit të turnit të rojeve ndërsa shoku i tij i dhomës kishte shkuar për të kryer nevojat personale. Mehmetalli ndodhej në dhomat e paraburgimit në pritje të gjykimit të tij për marrëdhënie seksuale me një të mitur. 46-vjecari akuzohej se kishte abuzuar seksualisht mbesën e tij.

(s.g/Balkanweb)